سهام.png
 
 
 
Search

EF Education First! تجربتي مع تعلم الانجيزية عن بعد

Updated: Mar 7, 2020



مساء الورد 🌻✨

بتكلم لكم بهالبوست عن موقع EF English online school

هو موقع لتعلم اللغة الإنجليزية عن بُعد✨

الموقع جميل وسهل وواضح واحلى مافيه انكم تقدرون تجربونه بدولار واحد مدة 14 يوم (كانت شهر🤔)

اول مره جربتهم حبيت ثقتهم والعرض المجنون🤩



ولاني درست بمعهد wall street english وشفت بنفسي انه مايفرق اذا درست بالبيت او دخلت معهد!

انا درست ٨ شهور بمعهد وول ستريت ( ٢٠١٣ - ٢٠١٤) للامانة أسعاره مبالغ فيها! لانك تاخذين الدروس بالكمبيوتر والميزة الوحيدة عندهم هي نهاية كل وحدة اختبار مع معلمة فيس تو فيس.

لكن بالمقابل EF عندهم الكلاسات الجماعية اللي بأي وقت تقدرين تدخلين مع قروب وتتكلمون بموضوع مختلف يوميًا، هذا غير الكلاسات الخاصة اللي مع معلم خاص تتكلمون باللي تبون (وحده تقول تدربت على برزنتيشن وصححوا لي الأخطاء واللي يقول تدربت على أسئلة مقابلة وظيفة!) عندهم مواضيع عامة لكن تقدرون تختارون موضوع خاص فيكم👌🏽

يسوون عروض ببداية كل سنة وخصومات خاصة لكثير مناسبات (يتصلون على الجوال ويرسلون ع الايميل عروض مختلفة لكل شخص🤩)


أي احد يبي يتعلم انقلش وماعنده وقت لكن بالمقابل يبي مكان يعلمه صح انصحه فيه وبقوة 💯

دروس خفيفة لطيفة بنفس الوقت مفيدة بالحياة العملية والعامية ☺️

مشكلتهم بس ماعندهم كورس خاص بالتجهيز للتوفل/ايلتس !

انا كنت احسبهم بيجهزوني من الى للاختبار .. لكن للأسف قالوا انه يندرج مع الدروس الخاصة (يعني اختار موضوع التوفل بالدروس الخاصة) .. هذي النقطة الوحيدة اللي ماحبيتها منهم 😓

بس بشكل عام تجربتي معهم جميلة وانصح فيه دايمًا للي حولي من الأصدقاء والاقارب ^^



وهذي صور من البرنامج:


هذي الدروس اليومية، طبعا براحتكم كم درس بتاخذون باليوم 🤓



عبارة عن ١٦ مستوى وتقدرون تبدون من أي مستوى تبون، او حتى ترجعون لمستويات سابقة ☺️


وهذا رابطهم للي حاب يشوف ويتعرف بنفسه ✨

https://englishlive.ef.com/ar-sa/


 

Contact

Thanks for submitting!

Plants and Coffees